:: Chennai Mizo Sports 2009 Kan Zo Ta!

Chennai Mizo Sports 2009 chu Pathian zarah tluang takin kan hmang zo leh ta der mai! Member te kan in tawiawm tha a, kum dang ang bawkin nuam ti takin Sports chu kan thlah liam leh ta a ni.

Indoor Games a tan niin Day 1 chu Police Officer's Mess, Egmore ah hman a ni a. Day 2 erawh chu SDAT Stadium, Chetpet ah neih a ni ve thung a. Outdoor Games chu nuam kan ti tlang aniang thim thlengin inhruipawh kan buaipui kha!. A tawp ni ber - Day 3 chu St. Peter's Church, Purasawalkam ah hman niin ropui tak a Mizo Sports hi khar a ni.

Khuangchera House (Green) chu overall champion niin tun tum Sports zet chu boruak pawh a tang tha khawp mai a. Chak tura rin kai ber chak lovin pathumna ni char char thin kha a tawp ni a rawn thlen meuh chuan pakhatna ah an rawn in hlang kai thei a ni. An house leader pahnih - Tv. Lalchawimawia leh Nl. H. Lalhmingmawii te house tana an in pum pek vang a tih loh theih loh a ni.

Tin, kum dang a an lohna te han ziak lang ve reng reng ila. Tun kum chu pahnihna dinhmun chelhtu pahnih an awm tlat mai a. Taitesena (Red) leh Chawngbawla (Yellow) House te point hmuh zat chu in angin Vanapa (Blue) House chuan hnung an rawn dawl a ni. Hemi bakah hian Table Tennis te, Ketaminu Race te, Counter Strike & FIFA 09 (computer games) te telh a ni bawk a. Tun kum Sports chu kum dang aiin a ropui zawk ti ila kan sawi sual tam pui lovang.